Poesie su Napoli di Marynzia "poetessa naif

NAPULE SUMMERSA D'AMMORE!
Che ddè Napule pò munno...
na bumbuniera 'e ceramica ca s'adda custodì gelosamente,
pè tesore ca tene nfunno.

Napule rivive in San Gennaro, 'a Sanità,
Napule se ritrova tra 'e vicule dè quartieri Spagnoli, tra antichi Palazzi Riale
sapute fa costruì da mani ncallite e esperte e ca esprimene ll'ammore pè sta città Partenopea.

Napule è ll'abbraccio dò Vesuvio, è Marechiaro,
è Puselleco adderuso, Procida, Capri, Ischia ca songo vanti e nostre
grandi suddisfazioni.
Napule è ammore,
è triatro, è canzone.

Napule sarrà pure
pizza e tarantella...
spaghett'e muzzarella.
Ma Napule è ppure dulore
quando ll'è tarpano ll'ale e tanti vvote, ndriga a piglia 'o volo, comme vulessene i nostri avi!

Napule è nu giglio,
è purezza,
ca però ppe mezo 'e tanti cittadini cs già da tiempo 'a devastano,
'a violentano
e proprio ppè chesto fanno capì ca nun ll'apprezzano!

Napule è nu ciore 'e Paraviso ca nun more maje, pecchè Ddio accussì a deciso.

Tutto chesto 'a saputo cuntà ll'Alberto, silo 'e ccose positive 'e chesta città ca se sente però nu poco amariggiata.
Napule è parentesi 'e nu sano suonno, ca sulo chi ll'ama... ll'apprezza pè ll'eternita!
GRAZIE ALBERTO (ANGELA). .. GRAZIE NOSTRO GRANDE CITTADINO ONORARIO! MN

NAPULE "CAMMURRISTA" DÒ BBENE!
Ormai ca se ne parla 'e Napule cammurrista fa sempe cchiù piacere a chi vo sempe sputà fuoco a meglio a meglio ncopp'a chesta città ca nun cunosce cunfine dò mmale.

Embè? 'O sapimme ca 'a malavita sta pe tutt'o munno e no sulo ccà.
Si 'o mmale stesse a Napule sulo, nun penzo ca tenesse fans "a zuffunno, a migliara, a bbeverune"...
comme diceva 'a bon'anema 'e
Don Antonio
ca, aveva ragione!

Napule, 'a Campania,
'o Sud inzomma jà,
è ggente bbrava e 'e core e, nun vene maje abbandunata da 'o Signore.

'E brutture lassammele dint'e quinte, aret'o muro, dint'o scuro, addò nuje nc'è cammenamme pure e nun c'è mettimme paura
pecchè chi è semplice e sincero... nun acal'a capa annanz'o mmale
ma, a testa alta cammina!

Napule è capitale dò munno e è apprezzata ppe ll'Arte e 'a Cultura, da Musica e ppè Canzone, pà Puesie, pè Sculture ca tene, ppe ll'Artisti ca nun morene maje
lassano ccà, 'o meglio 'e lloro!

Chesta è 'a parte ca s'adda vedè, chella migliore e,
sulo 'e chella se n'adda parlà de valori 'e chesta bella città!

Basta cu chi vvò abbrucià 'a verità!
Napule, putere dò bbene,
Evviva "Perthenope, "
sempe viva e vegeta!
MN